Ayon
sa pag-aaral, kapag ang mag-aaral ay aktibong nakikilahok sa proseso ng pagkatuto, may pagbabagong
nagaganap sa kanilang pagkatuto at pag-uugali. Ngunit sa kombensyonal na sitwasyon, ang mga mag-aaral ay hindi
nakikilahok nang 20% (Osterman, 1982:23). Kung kaya, ang paggamit ng modyul ay
iminungkahi bilang alternatibo sa pagtuturo.
Ayon
sa isinagawang pag-aaral ni Mahenge patungkol sa paggamit ng modyul
(1992.401-A, natuklasan niyang mas mataas ang nakuhang marka ng mga mag-aaral
na tinuruan sa tulong ng modyul kaysa doon sa mga nag-aaral nang Malaya. Ayon
naman sa pag-aaral ni Turner (1990:36702-B) at Hart (1988:2893.B) sa ebalwasyon
kung epektibo ang ginagamit nilang modyul, natuklasan nilang nadagdagan ang
kaalaman ng mga mag-aaral na sumailalim sa pagtuturong ginamitan ng modyul.
Mahalagang
pumili ng angkop na kagamitan para sa modyul upang maganyak at maituro nang
maayos ang mga aralin. Ang nilalaman ay dapat makisabay sa mga pagbabago at
madaling maunawaan ng mga mag-aaral ang bawat konsepto (Nussell, 1976:39).
Kailangan
epektibo ang gagamiting materyales upang madaling maunawaan ang konsepto sa
simpleng paraan. Ayon kay Plaza (1995), kailangang taglay ng isang modyul ang
mga sumusunod na katangian:
a. matamo ang mga layunin
b. malinaw at nauunawaan ang
modyul
c. tiyak at magkakaugnay ang
nilalaman ng modyul
d. angkop ang wika sa mga taong
gagamit nito
e. eksakto, nagagamit at bago ang
nilalaman ng modyul
f. nakasasabay sa mga
kasalukuyang nangyayari sa lipunan
Maraming
paraan sa paggawa ng modyul. Ayon kay
Thompson (1978), ang modyul ay kagamitan sa pagtuturo na nakatuon sa mga
layunin sa pag-uugali, may mga panutong dapat sundin ng mag-aaral, unti-unting
paglalahad ng aralin, aktibong pakikilahok ng mag-aaral, nagbibigay ng puna
patungkol sa pag-unlad ng kaalaman at idinesenyo upang gamitin nang malaya.
No comments:
Post a Comment